30/05/2010
Maratón de Texas Hold e tute
Coma sempre, os organizadores das Festas do Apostolo de Loroño, innovan.

Este ano, farán o II Maratón de tute e como novidade e de forma pioneira, o I Maratón de Texas Hold.

Hai máis de 4.500€ en premios. Os campións levarán un premio de 1.000€ por parella no tute e de forma individual no Texas Hold.

Inscrición:
Para inscribirse (25€ para o Texas Hold e 50€ para o tute) remata o 12 de maio, e a poden realiza nos teléfonos 629 807 928 ou 606 889 707 ; ou tamén no Café Bar Tabares de San Adrián de Zas, na Pizzería Tívoli de Zas, ou na Parrillada A Pedra de Nantón.


Máis info en: www.festadelorono.es.tl..

14/04/2010
Aprobada a concentración parcelaria de Baio
A consellería de Medio Rural acaba de aprobar a concentración parcelaria de Baio.

Despois de ser publicado no D.O.G. Nº 67 do 12/04/2010 , os propietarios xa están sendo informados. Tamén se pode obter información nas vellas escolas Agro Regueiro.

A empresa encargada da inxeñería foi Esproago. Segundo un dos técnicos, o resultado de todo o proceso quedase en 813 parcelas partindo dunha base de 1668. Ainda que o censo inicial era de 2328, tivo que ser reducido debido ó PXOM e a construcción da nova autoestrada.

A pesares da publicación, a posesión plena das fincas ainda tardará algúns meses.


Fonte: La voz de Galicia.

05/04/2010
Xornadas sobre a historia de Galicia no Concello de Zas
O Concello de Zas, a través do Servizo de Normalización Lingüística, en colaboración coa Deputación da Coruña organiza as Xornadas sobre a Historia de Galicia.
As actividades estarán conformadas por unha exposición de Edicións A Nosa Terra sobre a historia de Galicia e un ciclo de conferencias.
A exposición, obra do ilustrador Pepe Carreiro (Os Bolechas), estará dende o día 5 até o día 16 de abril no Anexo ao Polideportivo de Baio. Está prevista a visita do alumnado dos centros de ensino do Concello que será agasallado cunha publicación da Editorial A Nosa Terra sobre o tema.
Para concertar unha visita guiada a esta exposición poden poñerse en contacto co Servizo de Normalización Lingüística do Concello a través do teléfono 981 708 303.
O día 9 de abril as 20:00 h no Anexo ao Polideportivo de Baio o técnico en xestión cultural e museólogo da Deputación da Coruña, Felipe Senén, desenvolverá a conferencia O patrimonio cultural galego, o estado da cuestión.
As xornadas tamén inclúen un ciclo de conferencias nos centros de ensino que comezarán o día 6 de abril no CPI de Zas coa conferencia A historia do Concello de Zas a través dos seus nomes a cargo de Pepe B. Alborés, técnico de normalización lingüística do Concello de Zas.
O día 12 de abril, no IES Maximino Romero Lema, terá lugar a seguinte actividade, unha conferencia do historiador Bieito Alonso titulada A nosa historia.
A última das conferencias nos centros de ensino terá lugar o día 14 de abril no CEIP Labarta Pose de Baio. Correrá a cargo do xeógrafo e historiador Evaristo Domínguez Rial e levará por título Aproximación histórica ao Concello de Zas.


Máis info: SNL do Concello de Zas.

23/03/2010
Libros de lectura
Co remate do mes de marzo e a chegada de abril, o Mes dos Libros, Zas ofrece un conxunto de iniciativas que contan cun común denominador: O libro e a lectura. Continúa así a Campaña de Animación á lectura no Concello de Zas, que nunca acaba e que permite manter un ollo sempre posto no libro dos cativos do concello.

Para a ocasión, volverán a visitarnos os famosísimos Trinke Trinke, e haberá obradoiros orientados aos máis pequenos que conxugan o xogo, a lectura e o debuxo. Por iso, o Concello organizou as seguintes actividades:

Martes 23 de marzo ás 18.15h na Biblioteca municipal: TRINKE TRINKE.
Días 29, 30 e 31 de marzo: Obradoiros de Pascua para nenos de 4 a 12 anos no Polideportivo de Baio (11h. a 13h.) e no Centro sociocultural de Zas (16h. a 18h.)
Martes 6 de abril ás 18.15h na Biblioteca municipal : TRINKE TRINKE.
Martes 20 de abril ás 18.15h na Biblioteca municipal : TRINKE TRINKE.
Luns 26 de abril ás 11.00h na Biblioteca do CEIP Labarta Pose de Baio: MARISA IRIMIA co seu “Obradoiro conto Musical”
Mércores 28 de abril ás 10.00h na Biblioteca do CPI de Zas: MARISA IRIMIA “Obradoiro, xogando cos contos e os debuxos”.

17/03/2010
Problemas coa sinal do TDT
Continúan os problemas coa cobertura da TDT en Zas. Logo de 2 meses dende o apagón, as carencias son patentes en varios puntos do Concello. Alguns veciños láianse comentando que "Imos a peor en vez de mellorar, imos cara tras como a tortuga".

Os veciños de Mira, Carreira, Roma, Follente, Baio e de outros lugares do Concello denucian que teñen serios problemas para ver a televisión.

Os propios veciños foron os que chamaron á Xunta para reclamar dita anomalía. A Xunta inculpa ós veciños asegurando que o problema é da orientación das antenas.

Como é posible ver algúns canles ben e outros non. Como reza a publicidade emitida pola administración, "La TDT la ves o no la ves". É dicir, si ves un canle ben, tes que ver os outros canles igual de ben. As últimas pesquisas dos veciños apuntan a que pode haber problemas no repetidor de Cuens (Laxe).

Os veciños tamén critican a falta de compromiso do alcalde, Lolo Muíño.

09/03/2010
Tarxeta profesional da construcción
A Fundación Laboral da Construción, en colaboración co Concello de Zas, organizará o próximo día 25 de marzo en instalacións do propio Concello un Aula Permanente de Prevención de Riscos Laborais.

Esta xornada de formación, de 8 horas de duración e que é a mínima imprescindible para poder solicitar o Cartón Profesional da Construción, está dirixida tanto a autónomos, e a persoal en activo en empresas do sector da construción, como a persoas en situación de desemprego que ou ben presten os seus servizos en empresas de construción ou ben que aspiren a facelo.

A persoas que asistan ao curso, ou calquera outra que estea interesada e que cumpran os requisitos tramitaráselles este carné profesional. Para solicitar este cartón, que será obrigatoria a partir do ano 2011, é necesario estar traballando nunha empresa do sector da construción actualmente ou ben habelo feito durante polo menos un mes nos tres últimos anos.

Inscrición
As persoas interesadas en participar poden solicitar máis información na Axencia de Emprego e Desenvolvemento Local do Concello de Zas, ou no teléfono 981708303.