23/12/2009
BO NADAL
Dende esta páxina, desexamosvos un bo nadal e aninovo.

29/09/2009
O Concello de Zas marcha de Neria.
O Concello de Zas aprobou logo do acordo entre os catro partido políticos para darse de baixa en Neria.
Tanto os comentarios do alcade Manuel Muiño “É o sentir da mairía dos vecinos” do vocal do PP Pedro Osende “A idea está perfectamente plasmada no texto da moción” , e do vocal do PSOE José Luis Accion “Parece que según nos seus trece chleando a decisión do Concello” indicaban o seu mal estar polas palabras do presidente de Neria Ramón Vigo solicitando á Xunta a instalación da ITV en Cee. Soamente fixeron falla uns minutos para ler unha moción que calificaba de intolerables as palabras do presidente de Neria.
Os catro grupos piden a súa dimisión e vinculan a baixa do municipio á permanencia de Ramón Vigo no cargo. Segundo Muiño, cando o o Ceense deixe o cargo, estudarase a reincorporación do concello á asociación.
Tamen se deron de baixa o vocal do PP (Pedro Osende) a título particular e o empresario José Rodríguez Eiroa.
Tamén se fixeron públicas o investimento de 700.000 € que o Concello ten previsto en canto a materia de saneamento se refiere.
Da cantidade total, 607.000 € proceden da Deputación e algo máis de 90.000 € do propio Concello.
- 200.000 € para a instalación da rede de saneamento en Meanos
- 199.000 € para a ampliación das redes en Baio Pequeno, Agreanas, Ventosela e A Costa
- 199.000 €,para a instalación dunha rede de colectores en Fornelos.
- Algo máis de 100.000 € para unha obra de similares características en Langueirón.
Ademáis o Alcade matizou que os fondos do Plan de Cooperación cos Concellos da Deputación só poden destinarse a obras de traída de auga e saneamento.

Fonte: La Voz de Galicia.

17/07/2009
Presentación da XXVI Festa da Carballeira de Zas
Un ano máis, os trasnos e fadas da Carballeira de Velar reuniranse na noite máxica do primeiro fin de semana de Agosto para escoita-los mellores grupos de música tradicional, que tocarán ó carón do río na tardiña. Despois, pola noite, déixanse enfeitizar polo folque das mellores bandas internacionais. Para acadar esta mestura de feitizo e troula non dubidan en rega-las súas gorxas con brebaxes feitas para a ocasión.

O cartaz e os grupos

A Festa da Carballeira celebrarase o 1 de agosto continuando a tradición de leva-la mellor música celta do mundo ao anfiteatro natural desta pequena vila do interior da Costa da Morte. Apresentouse esta sexta feira, 17 de xullo, na Casa do Concello de Zas e as estrelas foron a exposición do debuxo anunciador e a proclamación das bandas participantes.
O deseño do cartaz volveu ser obra do debuxante local Miguel Riveiro. E o agardado compoñente musical do festival repártese así: pola tarde tocarán e bailarán Asociación Cultural Castro Meda (organizadora do festival), Donaire, Maruxía e Ruote; pola noite subirán ao esceario fluvial Tejedor (Asturies), Muthenroi (Galiza), O Sonoro Maxín (Galiza) e Capercaillie (Escocia). A banda escocesa era a grande ausente do folque europeo nas 25 edicións anteriores e Lupe Nieto (presidenta de Castro-Meda) recoñeceu que "se quixeron traer de sempre".

Semana cultural

O alcalde, Lolo Muíño, anunciou unha semana cultural dende o 25 de jullo ata o 1 de agosto que reunirá actividades de moi diverso tipo parellas ao festival.

Nota medioambiental

A organización da Carballeira, que leva o peso do festival entre membros da A. C. Castro Meda e voluntarios da vila, fixo un chamamento para evita-la presenza de vidro en todo o entorno natural, e dará exemplo retirando tódalas bebidas embotelladas de venda ao público.

12/07/2009
V Maratón de Fútbol 7
O Sporting Zas organizará o próximo 18 e 19 de Xullo o V Maratón de fútbol 7 de Loroño.

Inscripción: 100 puntos por equipo.
Premios:
- 1º: 1500 puntos
- 2º: 500 puntos
- 3º: 300 puntos
- 4º: 100 puntos
- 5º: 100 puntos
Teléfonos de contacto:
- 679438903
- 627325752
- 629748044

Sorteo día 17 de Xullo as 21:30 no campo municipal de San Andrés.
Mínimo de equipos: 25

29/05/2009
443.000 € do fondo estatal para Zas
O fondo estatal destinou ó Concello de Zas 443.000 € para acometer diversas obras.

Parte do orzamento destinarase á recuperación ambienal do rio de zas cun importe de máis de 200.000 €.
Para pavimentación e acceso ós núcleos de Gomaris e Penedo destinaranse 69.000 €. Outra parte do orzamento destinarase á pavimentación e accesos nas parroquias de Muiño e Carreira que se eleva a 108.000 €.
Tamen se faran as veiraruas da Ara dos Cregos con 64.000 €.
Os municipios da Costa da Morte recibiran un total de 21 millons de euros do fond estatal que seran destinados a obras.

27/04/2009
Aí vén o Maio de letras cuberto!
Programa do Mes das Letras de Zas

I Concurso de Marcapáxinas
A Biblioteca Municipal, con motivo da celebración das Letras Galegas, o concello convoca este concurso no que poden participar todos os alumnos dos centros de ensino do Concello así como os adultos. Mañá falaremos das bases.

Exposición
Estará aberta do 4 ao 28 de maio a Exposición “Prestige, crónica negra dun modelo enerxético insostible”, no Centro Socio-cultural de 10.00 h a 14.00 h.

Actividades diarias
8 de maio
Obradoiro “O proceso de ilustración dun libro” será o 8 de maio a cargo de Marisa Irimia, dirixido aos alumnos de primaria dos colexios de Zas (10.00 h) e Baio (11.30 h).

12 de maio
O 12 de maio, terá lugar unha sesión de Contacontos, a cargo da Compañía do Trinke Trinke, na Biblioteca Municipal (18.00 h).

13 de maio
O 13 de maio, chega Mago Pablo (Titirimaxia) no Auditorio de Baio (11.00 h), e Cayetano Lledó (Titirimaxia) no Auditorio do Concello (11.00 h).

14 de maio
Sesión de Contacontos, “ Os Contos De Pablísimo”, a cargo de San & saN na Biblioteca municipal (18.00 h).

15 de maio
"Babiliglub”, teatro para os máis pequenos, a cargo do grupo Galitoon (Titirimaxia), dirixido aos alumnos da Galescola e educación infantil dos colexios de Zas e Baio. No Auditorio do Concello (11.00 h).

17 de maio
Entrega de Premios do Concurso de Marcapáxinas, no Centro Socio-cultural (18.00 h).

Foliada Tradicional, coa participación do Grupo Churía e Merenda Saudable (18.30 h).

19 de maio
Talía Teatro “Palabras Encadeadas”, dirixida aos alumnos de secundaria dos centros de Zas e Baio. No Auditorio de Baio (12.00 h).

26 de maio
Sesión de Contacontos, a cargo da Compañía do Trinke Trinke, na Biblioteca Municipal (18.00 h).